عجايب الشعب العماني..

عجااايب الشعب العماني العجيب
ومحافظته عالبيئه
والدليل منهج العمانيين في عملية إعادة التدوير
وهذي بعض الأمثلة






اللباس العماني في حالة قدمه وعدم الرغبه في إرتدائه مرة أخرى

الوزار :
1- يستخدم كفوطه
2- يستخدم كلحاف عن البرد
3- يسوى منه صوار حال الفلج
4- يشرخ ويسوى منه شناطيط
5- يشرخ ويسوى منه فوط حال تنظيف السيكل



الدشداشه :
1- بتعطيها أخوك الصغير يلبسها بعد أن يقصرها
2- تستخدم كفزاعه حال الطيور عن يجين يوكلن من جلبة الذره

الفالينه نوع كابتن :
1- تستخدم في المطبخ يوم تبغى تمسك الصفريه وهيه صخنه
2- تستخدم كفوطه لتنظيف الدرايش والطاولات

الليسو :
1- يلحف به الصغير يوم ينام
2- يقمط به الصغير يوم تتون
3- يستخدم كوعاء للجحله يوم تركب فوق الراس




العبايه :
1- أيعطيوها الشغاله تلبسها ولو تموت ما أيفصلها جديده

الشيلة :
1- يلحفبها عسقة الرطب عن الطيور تااكل من الرطب
2- يشل عليها حزمة القت ولا الحشيش بعد الجز والحشاش




النعال :
1- مطرقه لتكسير الجوز
2- أداة قتل للصراير فما في داعي تشتري فليت







الأدوات المنزلية

كرتون الطماط :
1. يحرق ويسوى منه صخام حال مجمر البخور
2. يستخدم كرسي يوم تجلس الحرمه تخبز على الطوبج
3. يستخدم كبيوت للحمام


غرشة الفيمتو يوم تخلص :
1. تستوي غرشة عسل
2. تستوي غرشة ماء ورد
3. تستوي غرشة زموتا

غرشة التانج :
1. يسوى فيها بخور
2. يسوى فيها محلب
3. يسوى فيها صندل ولا دهان حال العجايز
دبة الزيت :
1. تغسل وسوى فيها ماي من الطوي وتخلى في الثلاجه ماي للشرب
2. تقص وتستخدم في حمامات المساجد ..الله يعزكم..

الجرايد :
1. مفرش للأكل
2. مفرش لقفص الحمام

التيوب :
1. جلده حال النشاب
2. طوق نجاه حال بو يتسبحوا في اللجل والجبي
القواطي :
1. أيسوابهن شبح حال التنقيع بالكسر
2. أيفعصن وأيلايمن فجونيه وأيباعن
الوايرات :
1. أيحرقن وأيباعن كصفر
2. يستخدمن كمرواح أو حال تعليق الملابس عشان يجفن بعد الغسيل


الأكل والغذاء

العجل بعد ما يذبح وياكل اللحم والشحم :

1. الإيهاب أو الجلد ايسوى منه طبل
2. المصارين أيسوى منهن معاصيب
3. الكرش بعد ما تنظف أتقلى وأيصيح الجرع فيها
4. العظام أيوغرن وأيثورعليهن بماي وبعدين أياكلن سوب
5. الراس أيفتله عينه فت وحتى العيون واللسان ما أيسلمن


و طبعا احنا احسن من الكل مو مسرفين

(اكثر شي)

لااااااااااااااا حول ما بقيتي شي
بس أكثر شي عجبتني استخدام كارتون الطماط
ذكرتيني بأخوي اللي كان يسويهن بيوت حال الحمام والدراسه ع وراء
بس أبوي باعهن عنه وقام يصقع راسه بالصناديق مال الطماط من الحزن

هههههههههههههه

يا حليله يعيش و ينسى

ههههه

هع هع ..

اصلا العماني ف كل شيء

ويقول المثل العماني :


كل شيء حال شيء ههههههه

يسلموااا ...


فيه معلومات كنا ما نعرفها هع هع

هههههههههه

وانت الصادق ( كل شي حال شي )

الله يسلمك..

العفوو ...

هع ..

اكيد بعد كل شيء حال شيء

موضوع حلو بس هاي جمل ما فهمتهن ???


صخام
صوار
شناطيط
2- يقمط به الصغير يوم تتون

BigBoss كتب:

موضوع حلو بس هاي جمل ما فهمتهن ???


صخام
صوار
شناطيط
2- يقمط به الصغير يوم تتون

صخام : الفحم اللي يخلي فيه بخور و يتبخرون به

يقمط به الصغير يوم تتون : يعني يغطون به الطفل و هوه صغير

و الباقي ببحث لك عن معناتهن في المعجم العماني ....

شكراا على الموضوع

العفوو the lord

يهيههيهيههيي
موضوع وايد حلووو

موضوع ولا اروع

واخصة غرشة الفيمتو والتانج


تحياتي : سميتك غلاي

لغة الخلود , سميتك غلاي مشكووووورات ع الطله و تواجدكن الاروع

big boss شناطيط و صوار ماحصلتلك معناتهم....